Baie welkom by die
NG Kerk Kempton Hoogland!
Ons is bly dat jy die Here saam met ons aanbid en dien. Ons vertrou dat jy reeds die geleentheid gebruik het om die Here se teenwoordigheid en liefde in ons gemeente te ervaar. Dit sal vir ons ‘n voorreg wees as jy ook deel word van ons Hoogland-familie. Ons deel graag ons gemeente se verhaal en bedieningsfilosofie met jou. Wanneer ‘n mens weet hoe ‘n gemeente werk en hoekom dit so werk, is dit soveel makliker om ‘n aanbiddingsruimte en bedieningsruimte te vind.
Leef gelowig-dinamies-positief
’n Kranige voëljagter het ’n nuwe jaghond gesoek – hy kry toe ’n ongelooflike hond: ’n hond wat op water kan loop. Natuurlik wil hy graag sien hoe so ’n hond sy ding doen. Hy nooi toe sy vriend om saam te gaan jag. Nadat hulle die eerste voëls geskiet het, het die hond op die water geloop en die voëls gaan haal. Sy vriend sê niks oor hierdie wonderlike hond nie.
Op pad terug vra die man toe maar vir sy vriend: Wat dink jy van my nuwe hond? Het jy enige iets buitengewoon aan my hond gesien? Waarop die man antwoord: Die probleem met jou hond is dat hy nie kan swem nie, kan hy?
Die punt wat ek wil maak is dit: natuurlik kry mens nie sulke honde nie. Die punt is:
- hierdie vriend moet bietjie minder nugter wees, minder realisties, minder pessimisties –
- en iets raaksien van die wonder van die lewe en dit wat nog moontlik is.
Ek dink dit is wat geloof doen: om sonder al ons filters
die lewe te sien wat God gee
die moontlikhede daarin te sien
die wonder daarin te sien
God se beloftes vir hierdie lewe te verstaan
en dan dinamies-optimisties te leef.
Anders gesê: dan leef ons gelowig-dinamies positief.
Mag dit so vir jou wees en mag jy so wees.
Kliek op die maand se kalender hieronder om te sien wat elke dag gebeur in Hoogland. Jy kan ook die hele jaar se kalender met jou MS Outlook sinchroniseer. Lees hier hoe.
08:00 Eerste oggenddiens
09:00 Kategese (Junior en Senior)
10:00 Tweede oggenddiens
17:00 Kategese (Senior)
18:30 Aanddiens
Nuut by Hoogland?
Ons wil graag hê jy moet die Hooglandfamilie ontmoet en tuis voel. E-pos asb jou naam, kontaknommer en e-pos adres aan ons dan kontak ons jou so spoedig moontlik. Ons wil jou graag verwelkom en meer inligting bied.
|